Joxelu Lopetegi

Ameslaria, erromantikoa, filosofoa… naiz txarkuteroa baino gehiago, edota, hori dena beharrezkoa da nik bilatzen dudan txarkuteria egiteko. Ilusioa da Xubero proiektuaren osagai garrantzitsuena, eta hori guztia, produktuan islatzea.

1987: bizitza beste norabide batean

Automozio ikasketak amaitu nituen 19 urterekin, enpresa indartsu bateko bazkide izateko aukera izan nuen, bizitza “soluzionatuta” izan nezakeen, baina txarkuteriakiko nuen erakargarritasuna ezin nuen itzali.

1991: harategiko obradorean

Harategi batean egin nuen proba, eta jada, argi neukan: “Hau da nirea! Txarkuteroa izan nahi dut”. Sortzen hasi nintzen, produktuak beste modu batera elaboratzen… obradore hura nire etxe bilakatu zen. Probatzen, sortzen, akatsak egiten, hobetzen… beti ikasten ari nintzen; gozatuz.

1996-98: Autodidakta eta maisu

Txarkuteria egiten sentitu nintzen autorealizatuta, betiko moduan egiten zena zalantzan jarri eta esperimentatuz. Txarkuteri ikasketak egin nituen Baionan (iparraldean) eta  Argiñanoren Zarauzko Aiala eskolan. Dozenaka ikastaro ondoren, nik klaseak eta aholkularitza eman arte.

2001: Xubero marka

2001an hasi zen egosten Xubero enpresa txikia,  jakintza eta ilusio hura marka batera bideratzeko gogoz. Bost laguneko lan-taldean ibilbide polita egin dugu, Xubero marka plazera, kalitatea, mimoa eta sormenaren sinonimo bilakatuz. Hori gara Xubero.
Txarkuteroa eta autorea

Nire lanak nire bizitzan pisu handia dauka, izan ere, nire izateko modua, hein handi batean horrek sortzen duelako. Nire bizitzako parte da Xubero, eta nire bizitzaren parte hau zuekin elkarbanatu nahi dut.

Sortzailea

Ez egon itsututa ekonomikoki: etekina, etekina, etekina…. zeren horrek mugatu egiten du, horrek ez du uzten sorkuntza garatu eta gustura lan egiten. Sormena da nire bizipoza.

Joxelu naiz,
Xubero gara, ordea

Ni-tik hitz egiten dut, baina lan-talde gabe ez naiz. Xubero gara, zuentzat

Joxeluren koadernoa

Beti darabilkit zerbait buruan, eta ohe ondoko mahaitxoan, beti hor dago Joxeluren kuadernoa, nire apunte karpeta. Aldian behin sartu eta errepasatzen dut, eta hor, gustura sentitzen naiz. Zerbait burura etortzean, bertan apuntatzen dut, eta hemendik, zuekin konpartitu nahi ditut hainbat kontu.
  • Xubero
  • No Comments

ANTZINAKO ARBASOEN SUKALDARITZA: TXARKUTERIA

 ANTZINAKO ARBASOEN SUKALDARITZA: TXARKUTERIA 2000 1333 Xubero

Sukaldaritzaren aurreko etapa da txarkuteria, produktuen erabilpenaren modurik anzestralena. Sukaldariei hori azpimarratzea gustatzen zait, irribarre batekin. Jakintza zen txarkuteria, bertan zeuden produktuak nola kontserbatu denboran. Txarkuteria behar horretatik sortu zen.…

EGILETZA: Testuak eta sormena JOSU OZAITA  / Diseinua eta programazioa JULEN LARRUSKAIN 

Back to top